أبو ريدة للاعبى الفراعنة: "مصر فخورة بكم ومستنياكم تفرحوها وترجعوا بالكأس"

[مصطفى صدقى]

أبو ريدة للاعبى الفراعنة: "مصر فخورة بكم ومستنياكم تفرحوها وترجعوا بالكأس"

عقد المهندس هانى أبو ريدة رئيس الاتحاد المصرى لكرة القدم جلسة مع لاعبى المنتخب الوطنى قبل مباراته أمام الكاميرون اليوم الأحد، فى الدور النهائى لبطولة الأمم الإفريقية 2017، والمقامة حاليا بالجابون لتحفيز اللاعبين وحثهم على تحقيق اللقب الإفريقى الغائب.








أبو ريدة فى جلسته مع اللاعبين

قال أبو ريدة خلال جلسته مع اللاعبين، "الناس كلها فرحانة فى مصر والدول العربية كمان.. وباحمد ربنا أن الرجالة دى هى سبب فرحة الشعب المصرى والعربى كله.. وأنا متأكد أن كل واحد فيكم دلوقتى حاسس بقيمته وقيمة فانلة منتخب مصر.. ما تنسوش بكرة أنكم مش بتلعبوا بس عشان تسعدوا 90 مليون مصرى بس لكن أكتر من 250 مليون عربى كلهم وراكم وبيشجعوكم".

وتابع، "كل مرة بنقول الحمد لله بعد كل فوز وربنا بيكرمنا عشان الإخلاص اللى جواكم انتم والجهاز الفنى والإدارى والناس كلها بتدعيلكم قوى وانا بجد فرحان عشان فرحة الناس اللى بتنزل عشان تتفرج عليكم فى الشوارع والميادين وتحتفل بعديها.. أنا فخور بيكم جدا لأنكم تعبتم واستبسلتم فى المباريات اللى فاتت لحد ما وصلتم للنهائى وما بخلتوش بأى مجهود حتى المصابين باحييهم.. انا عندى شعور قوى أن ربنا حيكافئنا بكرة.. الناس كلها مستنياكم فى مصر.. حتجتهدوا فى الملعب ويكون عندكم إصرار وعزيمة.. وتفكروا وتساعدوا بعض عشان ربنا ينصرنا ونرجع بالكاس".

وأتم، "انا فرحان وفخور بالجيل ده أوى لأنكم فعلا رجالة وجيل محترم ويستحق الفوز بهذه الكاس والتأهل كمان لكأس القارات فى 2017 وكأس العالم إن شاء الله فى 2018.. أنتم جيل كسب احترام العالم".

ابو ريدة فى جلسته مع اللاعبين

ابو ريدة فى جلسته مع اللاعبين

ابو ريدة فى جلسته مع اللاعبين

المصدر: mhiptv.org/forums

---

Hf, vd]m gghufn hgtvhukm: "lwv to,vm f;l ,lsjkdh;l jtvp,ih ,jv[u,h fhg;Hs"