|
سجل اسمك فى رابطة مشجعى النادى الزمالك ...واقسم انك زملكاوى
اقسم بالله العظيم
اني زملكاوى صميم وان احترم مبادئ النادي الزمالك وان اسانده في حالة النصر أو الهزيمة وان اشجعة الي الأبد والله علي ما اقول شهيد |
انا زملكاوى من ساسى الى راسى وذلك وانا عمرى 53 سنه ولن اشجع ولا احب ولن احب غير الزمالك دائما وابدا الى ان ارحل الى عالم الغيب علاء90
|
وراك يازمالك للنهايه
زملكاوى مش متعصب |
بصراحه بعد الزمالك لا توجد كره وحسبى الله ونعم الوكيل فى اتحاد الكره ومنه لله وربنا ينتقم منهم ومن كل ظالم وكذلك لجنة المسابقات ولجنة الحكام الزباله التى تكيل بمكيالين وربنا على كل ظالم علاء90
|
اقتباس:
المشاركة الأصلية كتبت بواسطة علاء90 http://www.0sat.info/vb/support-styl...s/viewpost.gif انا زملكاوى من ساسى الى راسى وذلك وانا عمرى 53 سنه ولن اشجع ولا احب ولن احب غير الزمالك دائما وابدا الى ان ارحل الى عالم الغيب علاء90 ههههههههههههههههههههههههههههههههههههههههههههههههه ياراجل ليه التعصب ده بارك الله فيك |
Download16550 فى كتاب " رصف مصر "..للمبدع عمر طاهر.. تمكن من محاورة القارىء باسلوب رشيق على طريقة اسئلة و اجوبة عن مصرنا الحبيبة التى تتجه الى نفق مظلم..اسأله عن الحياة المصرية..بمُرها ومُرها ايضا..فلقد اصبح حلوها قليل..استمتعت بطريقة وضع الاسئلة والرد عليها بشكل ساخر..وجدت نفسى اقتبس الفكرة إن اذن لى هذا المبدع وإن اذنت لى سيدى القارىء..ولكن عن احوال الكرة المصرية التى اصبح حالها يرثى لها..ويمكن ان نراها سيت كوم قريبا يجذب الملايين..تعالوا سيدى القارىء..نسأل ونجيب.. وربما نغيظ!! *ليه مصر ام الدنيا؟؟!! عشان عايشة بمزاجها غير الدنيا كلها وخصوصا فى الكورة متأثرة باعلان ميلودى.."مصر..ام الدنيا"!! *ليه اتحاد الكورة فاشل؟ عشان فاشل..ام الادارة. *ليه الاهلى فوق الجميع؟ عشان بانى دورين زيادة!! *ليه الزمالك كل موسم بيبدأ بداية سيئة على غير المتوقع؟ عشان الدولار سعره زاد!! *ليه ابراهيم عصبى عن حسام؟ عشان ابراهيم اكبر بخمس دقايق وياما شاف فيهم اكتر!! *ليه حسام شبه ابراهيم؟ عشان توأم..لميح انا!! *ليه حسام حسن ناجح؟ عشان عزيمته مثل يحتذى به..تحدياته عايزة مجلد *ليه جدو تراجع عن تعاقده؟ عشان الظاهر ياناس ياعسل القيعى وصل *ليه القيعى بيحب يبوظ الصفقات؟ عشان مش لازم كل المهندسين يعمروا فى الدنيا و بس!! *ليه حكم الراية فى ماتش الاهلى و انبى رفع الكورة اوفسايد رغم ان لاعب الاهلى مغطى على لاعب انبى بمتر مثلا؟ عشان لو شدينا خط بزاوية خمسة واربعين عمودى على خط الكورنر تبقى الكورة اوفسايد!!!!!!! *ليه عصر سمير زاهر..مابقاش زاهر؟ عشان زى اللى بنى مصر كان فى الاصل حلوانى..و مع ذلك محدش عارف ياكل غير العيش الحاف كده. *ليه لقب احمد حسن بالصقر احتمال يتغير؟ عشان كل ما بيروح يتكرم عند الريس وبيقولوا مبروك يا صقر..حسن صقر بيرد!! *ليه الــ" يـــد " الزمالكاوى بقى اسطورة مصرية؟ عشان سار على نهج شركات الحديد..واحتكر كل البطولات!! *ليه فودافون مابقتش قادرة تغطى كل المناطق؟ عشان مش قادرة تغطى الاستادات..اصل الشبكة بتقطع على الحكام وهما بيكلموا بعض فى السماعة .. فبيضطروا يروحوا يكلموا بعض!! *ليه شوبير بقى يكره "الحياة" ؟!! لو تقصد الحياة القناة..عشان مشى منها بعد ما كان العشم يكمل..لو تقصد الحياة؛الحياة نفسها..يمكن عشان مرتضى فى كل حته!! *ليه مرتضى وشوبير ماتصلحوش رغم الانباء الواردة بوجبة سمك ليلة الصلح على الهواء؟ عشان السلاطات ماكنتش كتير!! *ليه الحكام الصينين اكثر كفائة من المصريين؟ عشان اكثر لياقة..مايعرفوش ابيض من احمر..مايفهموش الشتايم..واخيرا هتاف الجماهير الشهير!! *ليه البرامج الرياضية صارت تصفية حسابات؟! عشان الموضوع مابقاش رياضة..ولا يخضع لمعايير..الموضوع بقى اللى مايعرفش يقول عدس. *ليه هيثم السعيد راح الاهلى؟! لانه زهق من البطولات وقرر يلحق الاهلى قبل الهبوط. *ليه عماد متعب بيلعب فى المنتخب على طوووووووول؟ عشان شيبساوى قديم!! *ليه حسام البدرى جماهير الاهلى قلبت عليه فى الاخر؟ عشان "بدرى" عليه يبقى مدير فنى!! *ليه استادات مصر بتبوظ بعد اى بطولة رغم المصاريف الرهيبة اللى بتتصرف عليها رغم ان الاجنبى مابيحصلوش كده؟ عشان سيادتك لما حضرتك اصل النجيلة عدم اللامؤاخذة..وشوف سيادتك دودة القطن لما بتكتر فى المزرعة ادت الى انتشار السحابة السودة فى القاهرة..ومش عايز حضرتك النجيلة تبوظ ياراجل..دحنا بشر!! *ليه بتروجيت مش "بيكمل" للاخر؟ معلش اصله لسه شبعان ويحب يسيب حبة فى الطبق!! *ليه كل ما لعيب من الاسماعيلى بيتألق الاهلى بياخده؟ عشان الاهلى بطل القرن الافريقى..ينفع برضوا يبقى فيه حد احسن منه..يجيب منين يعنى!! *ليه شعار حملة ممدوح عباس"اكتر من وعد..انه التزام"..الناس بتقول انه مانفذش حاجة فيه؟؟ هو ما قالناش ايه الوعد اساسا عشان نعرف المجلس التزم بإيه!! *ليه الزمالك رجع مع حسام؟ عشان اللى يخاف من الطوفان..يحط الكورة تحت رجليه ويلعب..ده اللعيبة اللى حسيت بيه. *ليه شيكابالا تغير من لاعب ثائر دائما..الى اهدى واحد يوم ماتش الشرطة؟ عشان لما الجماهير يبقى حالها فى المباراة..والمدرب بيعرف يدرب..فاللعيب يعرف يبدع. *طب وليه هو اللى راح يهدى حازم لما انطرد؟؟!! عشان اتعلم من وحيد ازاى كان بيهديه زمان!! *ليه اللعيبة الافارقة اللى بيجبهم الزمالك والاهلى والاسماعيلى غير كل الافارقة اللى بيتالقوا فى الاندية التانية وعلى سبيل المثال بتروجيت؟! الدنيا حظوظ يا عم الحج..ومابتديش كل حاجة. *ليه الدكتور علاء صادق بيحب الزمالك؟!!!!!!! عشان اللى يحب واحد يشتمه..الشتيمة مابتجيش من الغريب..ويابخت مين شتمنى ولا ضحك الناس عليه!! *ماذا سيقول هيرودوت لو عاد وشاف الدورى المصرى؟ حيقول.."لكى الله يا هبة النيل". *ليه ابراهيم حسن طلب تحليل منشطات للاعبى فرق الدورى؟ عشان المطرب ابو الليف اتمسك بمنشطات..بعد ثبات عينته الايجابية بعد التأكد انه لم يلعب البينج بونج وهو رابط ايده كما زعم بدون تعاطيها!! *ليه 6-0 سنة اربعة واربعين غير معترفة عند جماهير الاهلى رغم انهم بيتفاخروا بـ 6-1..وان تاريخهم بيبدأ بتاريخ انشاءه عام 1907 اى ان عام 44 مر بتاريخهم العظيم..هذا بالاضافة الى الجملة الشهيرة "انا الاهلى 106 بطولة..انت مين؟"؟؟!! اعتقد ان ده لغز لا يمكن حله..بس الرد ان المصرية للاتصالات برضوا "140 دليل..عاوز مين"!! *ليه لما حسام عاشور حرك شفايفه ماتعاقبش..ولما عمرو زكى حرك شفايفه اتعاقب؟؟!! عشان ده سر زبدة الكاكاو !! *ليه حسين ياسر تألق فى الزمالك بعد رحيله عن الاهلى؟!! والله ممكن حضرتك تسأل اللى بيلعب احمد على لغاية دلوقتى كباك يمين اساسى للاهلى. *ليه مئوية الزمالك ممكن تفشل رغم نداء الجماهير من الان؟؟! والله سيادتك طالما بدأنا من الاول نقول حنلاعب الريال بس الحقيقة برشلونة اليومين دول شادد حيله ولازم نغير..بس مانشيستر فاضى الوقت ده..واحنا بعتنا كمان للانتر وميلانو واياكس..فيا خوفى..ان نلاقى فى الاخر حنلاعب "سانت اتيان"بعد فشل المحاولة الرابعة عشر فى استقطاب موناكو الفرنسى..وساعتها حيبقى اكثر من وعد..انه انتفاخ..ربنا يستر!! *ليه مودرن بتعمل حصاد الاسبوع مش حصاد شهر؟!! اذا كان حصاد الاسبوع بيخلص فى 7 ساعات..تخيل لو شهر حيخلص فى كام يوم. *ليه محمد ابراهيم مدرب الشرطة لم يعاقب بعد اشارته البذيئة للجماهير؟؟! عشان تحليل الـ"دى ان إيه" اثبت ان صوابعه مقطوعه!! *ليه احمد جعفر فى بعض الاحيان يرفع ضغطى؟؟! لانه فى بعض الاحيان يشعرنى ان الكرة مصنوعة من الحديد!! *ليه ازمة "البــث"عمرها ما حتحل؟!! "بس" والنبى ماتفكرنيش وحياتك يا شيخ!! *ليه الدنيا دوراة؟؟!! عشان حنلاعب الحرس تانى فى الدور تانى..من غير ما مشكلة عيد عبد الملك بتاعة الدور الاول تتحل!! *ليه الجيش اتأخر كده؟؟!! عشان الشرطة سبقته!! *ليه حكام الراية بيحطوا "آكس" كتير؟ من كتر رفعهم تسلل كده كده على اى كرة اضمن..وانت عارف الصيف ورفع الايد الكتير!! *ليه الزمالك مش عايز يفتح قناته لغاية دلوقتى؟؟!! عشان "الميكرفونات" المستوردة لسه ماجتش!! *تفتكر الزمالك ان شاء الله حيرجع للامجاد الافريقية تانى؟!! مم..افريقيا..افريقيا..مش ده البطولة اللى فيها ناس سمر كده بتشترك..وبنفضل نلعب كتير وليها كاس كده.. ياه..و خدناها خمس مرات..فكرتنا بالذى مضى يا راجل..اه طبعا ممكن مع حسام بدون شك. نهاية.. ارجو الا يغضب احد من كلامى..ارجو ان نعرف اننا نحتاج فى هذه البلد بعض المخلصين ممن يحبونها ويخلصون لها..لان البلد ده بجد تستحق احسن من كده..الكورة احد المنظومة الفاسدة فى البلد..ليس بنتيجة اقسم بالله..ولا تحيز..ولا اى شىء..ولكن..الادارة علم وفن ..يفتقده منظومة عشوائية اهدت لبلدها كاس افريقيا 3 مرات متتالية دون ان تقصد..اهملت كل شىء بداخلها..فاستشرى الفساد..لا لوائح لا قوانين..لا شىء.. ارجو من السادة القراء الا يغضب احد كلامى..فلقد قلت"ونحن نغيظ"..اى كنت صريح منذ البداية..حاولت ان اخفف قليلا القرف الكروى اللى كله عايش فيه..... .نشكركم لوقتكم العظيم.. و ربنا يستر علينا. |
انا جزائري لكن احب الأهلي
|
اقسم بالله أننى زمالكاوى ولن أحيد عن هويتى مهما كان |
اخى العزيز بارك الله فيك واتمنى ان نرى بلدنا دائما حلوة فى كل شىء ولا نرى تعصب لنادى بعينه او حزب يعينه او اى شىء بعينه وانا لله وانا اليه راجعون علاء90
|
| الساعة الآن 08:47 PM. |
Powered by vBulletin Version 3.8.12 by vBS
Copyright ©2000 - 2026, Jelsoft Enterprises Ltd
mhiptv.org
,
دعم فنى