mhiptv.org/forums - تعرف على الكاميرا الثابته "Fixed Camera "

Download68073

الكاميرا الثابته او fixed Camera دي ممكن تكون كاميرا CCD أو Dome أو IP او Wireless

والسؤال دلواقتي ازاي نقدر نشتري الكاميرا الــ Fixed ؟؟؟
أي كاميرا ليها بعض الخواص اللي بتميزها ...

Download47067

1-هل الكاميرا NTSC ولا PAL؟؟

بالنسبة للكاميرات الــ NTSC بتلاقيها صورتها ثابته ونقيه عن الـ PAL

والكاميرات الــ PAL صوره متذبذبه عند الأضاءه العاليه

2- الكاميرا كام TVL وهي أختصار TV Line

ودي هي دقة الوضوح للكاميرا بمعني تاني ان دقة وضوح الكاميرا تقاس بـ TVL

لو قالك مثلا ان الكاميرا دي 380 TVL يبقي أكيد دقة الوضوح بتاعتها مش كويسه بالدرجة ولكن لو قالك ان الكاميرا دي 480 TVL يبقي كويس

معني كده ان كلما زاد TVL كلما كان أحسن

3- حجم العدسه وتقاس بالميلي متر

وحجم الكاميرا بيعتمد عليك انت لو عايز الكاميرا تجيب مسافات قريبه وعرض كبير فمن الممكن ان تختار عدسه 3 mm أو 2.8 أو 6 mm ولو عايز الكاميرا تجيب مسافات بعيده مثلا عايزها تجيب مدخل طويل ف نختار عدسه 12 mm

من هنا نقول كلما زاد حجم العدسه كلما زادت المسافه

هل ان العدسه 12 mm أحسن من 3 mm؟؟

اقولك لأ مفيش حاجه أحسن من حاجه ولكن ممكن تلاقيني مش محتاج أجيب طول محتاج أغطي مساحه قريبه مني والناس دي تظهر بوضوح عندي وخلي بالك ان العدسه 3 mm بتجيب طول قليل وعرض كبير ولكن العدسه 12 mm بتجيب طول كبير وعرض قليل فكل واحده ليها مزاياها

4- هل الكاميرا بتشتغل في الوضع الليلي ولا لأ IR Camera وهي تعني Infra Red Camera ؟؟

ودي الكاميرات اللي بتشتغل بالاشعه تحت الحمراء وهي كاميرا خاصه بالرؤيه الليليه ومعظم الكاميرات الان تدعم هذه الخاصيه لأن من أهم الاشياء انك تتابع شركتك بعد مواعيد العمل والشركه مغلقه بحيث لو حدثت سرقه معينه او اي شئ تقدر تكتشفها وتعرف مين اللي سرق حتي لو لم توجد اي نسبة أضاءه

و IR Camera تقاس بحاجه اسمها LUX وهذه وحدة قياس نسبة الاضاءة وكلما قلت كلما كان أفضل

بمعني لو قال لك ان الكاميرا دي IR تقولو كام LUX يقولك 2 LUX ده كده معناه ان الكاميرا دي تشتغل بس في الاضاءات الخافته ولكن لو قالك 1 Lux يبقي الكاميرا تشتغل في اضاءة اقل لو 0.5 Lux يبقي الكاميرا تشتغل في الظلام لو 0 Lux يبقي الكاميرا تشتغل في الظلام التام ويمكنك رؤية اي شخص حتي لو الشخص نفسه مش شايف حاجه خالص

Download52816