mhiptv.org/forums - فرصة للعمل جيدة جدا للحاصلين على ccna

فرصة للعمل جيدة جدا للحاصلين على CCNA
شركة اسمها نور للأتصالات* هي شركة ISP زى TEDATA and linkdotnet طالبين ناس معاهم CCNA ومش طالبين خبرة المهم انك تكون فاهم ال CCNA كويس وبس والوظيفة عبارة عن ADSL Support يعني كل معاملاتك مع end user الملحقين لخدمة ال ADSL يعني من النهاية اللي عنده مشكلة في الأتصال بالنت تقدر تحلهالوا و دة طبعآ بعد تدريب بتيديهولك الشركة وزي ما قلت هما مش طالبين غير ناس معاهم CCNA وفاهمينها كويس.
عن تجربتي مع الشركة الناس هناك محترمين جدآ والمكان شكلة كويس أوي بس انا منجحتش في technical interview.
والمعلومات دي كلها عرفتها من كذا واحد بصراحة في اللي منهم نجح في اول انترفيو وكمل و في منهم اللي منجحش زي. علي العموم انا معرفش غير المعلومات ديه و حابب اساعد الناس في الموقع ده لعلي يكون لهم رزق في المكان دة وربنا يوفق الجميع.
ده موقع الشركة Download41344 لمزيد من المعلومات.
فاضل كده حاجة واحدة وهي ازاي اقدم للوظيفة ديه ... بصوا يا جماعةهما بيرحبوا جدا جدا بالناس اللي بيروحولهم ويبعتوا السي في هناك في main branch site ودول بيكون ليهم الأولوية طبعأ وبدليل كان ناس بتيجي من محافظات يقدموا السي في بتاعهم وكلموهم علي طول تقريبآ زي في نفس اليوم.
روح علي العنوان دة 6Nabil el-Wakkad Street Dokki* Giza* Egypt
وقدم السي في بتاعك وهما هيكاموك علي طول عشان انا عرفت انهم محتاجين ناس لسة
والعنوان ميتوهش انت هتركب مترو الأنفاق وتنزل محطة الدقي وبعد ما تطلع من منفذ اللي يخرجك الي شارع الدقي تمشي عكس اتجاه الكوبري لحد اما تلاقي بنزينة تخش الفتحة اللي جنب البنزينة هاتلاقي الشركة في وشك.
ربنا يوفق الجميع.