السلام عليكم جميعا


اولا اتشرف انى انضممت لاسره المنتدى الجميل ده

ثانيا انا عندى استفسار و مشكله و عايز حلها لو سمحتوا ( ان امكن و كان ليها حل )
انا ركبت طبق 240 و خليته متحرك ( يعنى جبتله موتور و بوزيشنر ) من حوالى 3 اسابيع كده لانى كنت عايز اجيب قنوات افريقيا علشان اتابع مباريات تصفيات كأس العالم و تصفيات كاس الامم لافريقيا لأنها مش بتتذاع على النايل سات

المهم ركبت الطبق بفضل الله بس فوجئت بمشكلتين

اولا ان الطبق مش بيجيب اقمار بعد الترك سات 42 شرق و الله يسامحه اللى ركب الطبق قالى ان ده اخره و انه مش لاقط الاقمار اللى بعد كده ( طبعا انا كنت عايز اجيب الانتل سات 60 و 66 و 68 شرق علشان القنوات الافريقيه )

المهم قعدت ادور و ادعبس فى كل الترددات و الاقمار اللى فى مجال ما بين النايل سات 7 غرب لحد الترك سات 42 شرق على القنوات الافريقيه المتاحه علشان اتابع المباريات لما تيجى .... المهم لقيت بعض الاقمار بتعرض قنوات افريقيه مختلفه و جميله زى قنوات
crtv الكاميرون
gtv و tv3 غانا
rtnc الكنغو الديموقراطيه
ntvو ktn و citizin tv كينيا
rti الكوت دى فوار
وقنوات تانيه بس كان فيها مشكله مافهمتهاش ساعتها و هى
ان جمب التردد مش بلاقى h و v زى ما انا متعود
لقيت r و l !!
و دى كانت مشكلتى التانيه
انى بالرغم من انى فى مجال القمر نفسه و لاقط ترددات كتير عليه بس مش عارف اجيب القنوات دى بردو ... اتحسرت اوى الصراحه

و مع البحث بدأت افهم ان فيه حاجه اسمها لاقط نوعه سى باند و طبعا انا عندى زى كل الناس كيو باند

فأنا اللى بطلبه حاليا :

هل من الممكن فتح المجال لاستقبال اقمار ما بعد الترك سات 42 شرق؟
يعنى ممكن اجيب الانتل سات حتى بعد ما الدش ركب عندى؟

هل من الممكن تركيب سى باند مع الكيو باند الموجود عندى على نفس الطبق ؟
و لو ينفع ايه المتطلبات الاخرى؟ يعنى حيحتاج رسيفر تانى وللا على نفس الرسيفر؟
و لو ماينفعش ... هل فيه اى طريقه لمتابعه و لفتح قنوات افريقيا الموجوده على نظام السى باند ؟

اسف على الاطاله و ارجو الافاده
اخوكم خالد :)

و السلام عليكم و رحمه الله و بركاته