mhiptv.org/forums - عارفه ليه ببكى عليكى... يازوجتى الراحلة

mhiptv.org/forums (http://mhiptv.org/forums/index.php)

- قسم الأدب والشعر (http://mhiptv.org/forums/forumdisplay.php?f=665)

- - عارفه ليه ببكى عليكى... يازوجتى الراحلة (http://mhiptv.org/forums/showthread.php?t=27553)

عارفه ليه ببكى عليكى... يازوجتى الراحلة

إهداء إلى التى رحلت فى صمت
عارفه ليه ببكى عليكى
عارفه ليه مش آدر أنساكى
علشانك يا حبيبتى يالى سافرتى ورحلتى
من غير حتى متودعى
كنت فاكر إن الخلود إتوجد ليكى
كنت فاكر إن الزمن ملك إيديكى
عارفه ليه ببكى عليكى
ضحكتك إل كانت ماليا المكان
همسك ولا لمسك
ولا صوتك إل كان مليان حنان
عارفه ليه ببكى عليكى
ووخدنى ليكى الحنين
عارفه ليه سلمت روحى
للوحده والأنين
ولا الحزن إل باعنى واشترانى
من سنين
علشانك يا حبيبتى يالى خلتينا وفارقتى
الورده دى من بنتك رحيل
إل سمتيها يوم الرحيل
دايماً تسأل عليكى
بابا هيا ماما فين
أحبس دموعى واحكى نفس الكدبه
ماما يا حبيبتى مسافره
وانتى فعلاً يا حبيتى مسافره
لكن ذهاب من غير اياب
عرفتى ليه بكيت عليكى

كلمات صادقة نابعة من القلب لتدخل القلب لتدخل مباشرة الى القلب
احساس مميز كلمات رغم روعتها الا انها
حزينه جددا دام قلم حضرتك مميزا

تحياتى لك

واحد فقد زوجته شريكة عمره حايغنى يعنى ولا يلطم
(( مشكورة أختنا الفاضلة / أحلام الورد أقصد أم رانا ))