mhiptv.org/forums - قاصـد ومتعمّد معـا سبق الاصرار

قاصـد ومتعمّد معـا سبق الاصرار
..............لها أبين من غــلاهـا غـلاهـا

ما عـاد ينفعنــي مداراة وانكـار
..............مع من عصاني خافقـي ما عصاها

هي فرحتي والحـزن ولعينها احتار
..............وارتاح واتكــدّر وادوّر رضــاها

وهي العطـا ذاته ولو صار ما صار
..............غـلاي كلّـه هي ولا ابي سواهـا

ما تعرف العيبة وعذروبهـا تغـار
..............لو كان ذا عـذروب غيره حشاهـا

ما عندها خافي ولا عندي اسـرااار
..............على النقـاء مافيه شيّ ٍ خفـاهـا

سوى على الحلـوة ولو وقتنـا دار
..............الهمّ ما به هــمّ داميٍ معــاها

صحيح ما احد يامــن الوقت غدّار
..............دايم معـــي يا ربّ دايم عساها

أحبّها واعشـــق ولي بُعدها نار
..............لو يوم ما شافت عيوني حــلاها

بعض الغلا بيّنت مع سبق الاصرار
..............للـّي خذت قلبي عســاني فداها