|
كنت بحسب إنه مصرى
كنت بحسب إنه مصرى
أمــــيرة علــــى تكتب لو إنت مصري يعنى ترحم يعنى تسمع تاخد وتدى مش تعتقل تحس بينا وبأهانتنا تحس بقوة صراخنا تأمن حياتنا تحس بأعماق آلامنا مش ننضرب ونتظلم وبكلمة واحدة نتعدم ده انت مصرى زيى زيك ليه ظالمنى ليه قاهرني ليه دايما تهين كرامتى وتبيعنى هدمتى عشان لقمتى ولا ّسكني ولاّ حتى غربتى وانا جوه بلدي ليه بتظلم وعالخلق دايما تفتري تلفيق قضايا ورمى تهم وتبيع فينا وتشتري دايس علينا بسلطتك كاتم صراخنا بكلمتك وكأنك انت عنترة واحنا القطيع واحنا الغنم واحنا اللى لازم ننتهى وف خوفنا دايما نختفى وف متش كوره نتلهى مع اننا احنا الغلابة واحنا اللى دايما مطحونين واحنا النسور واحنا الجسور اللى دايما مكسورين ويا دوب سيادتك قبطان ورق فى مركب خشب واحنا الشباك وانتو القراصنة وشراع حياتنا تباّعين لخطاكم احنا وسواقين انتم لرحلة انكسرنا متباعين احنا من غير ورق متكلبشين ف المعتقل ولا ده قتل ولا ده سرق قلبى خلاص من صمت الصراخ اتفلق قلت اقول اااااه م الالم او حتى لأه من الندم او اى كلمة من العدم زى م بقينا الخدم لقبطان السفينة الخشب جايز يسمعني يرحمني يندم ويحبنا ويحلم معانا يضمنا ده مصرى حتى وابن مصر والمفروض انه فعلن زينا ولا سرحت ونسيت انا لما افتكرته زينا |
| الساعة الآن 07:23 PM. |
Powered by vBulletin Version 3.8.12 by vBS
Copyright ©2000 - 2026, Jelsoft Enterprises Ltd
mhiptv.org
,
دعم فنى